AQSh ittifoqchilari Ho‘rmuz bo‘g‘ozi to‘liq minalardan tozalanmagan deb hisoblamoqda

AQSh ittifoqchilari Vashingtonning aksincha bayonotlariga qaramay, Ho‘rmuz bo‘g‘ozi hali to‘liq minalardan tozalanmagan, deb hisoblamoqda. Bu haqda Bloomberg yozdi.

«AQSh ittifoqchilari norasmiy tarzda Ho‘rmuz bo‘g‘ozi, ehtimol, hali ham minalangan holda qolayotgani haqida ogohlantirmoqda», — deyiladi manbalarga tayangan holda e’lon qilingan materialda.

Agentlik suhbatdoshlarining aytishicha, Amerika ittifoqchilari Vashington bo‘g‘ozni minalardan tozalash masalasida faqat qisman natijaga erishgan, deb hisoblaydi.

Shuningdek, ayrim minalar suv osti oqimlari ta’sirida dastlabki joylashuvidan siljigan bo‘lishi mumkinligi qayd etilgan.