AQSh harbiy-dengiz kuchlari yuqori quvvatli lazer qurolidan o‘q uzayotgan harbiy kema suratini e’lon qildi

AQSh harbiy-dengiz kuchlari o‘tgan oyda chop etilgan yillik hisobotida harbiy kemaning yuqori quvvatli lazer quroli suratini namoyish etdi.

Operasion sinov va baholash direktori boshqarmasining 2024-yilgi hisobotida e’lon qilingan tasvirda USS Preble kemasidagi yuqori energiyali lazer dron nishonida sinovdan o‘tkazilayotgani ko‘rsatilgan. Kema o‘sha paytda qayerda joylashgani noma’lumligicha qolmoqda.

Bo‘limning sinov va baholash natijalari haqida boshqa tafsilotlar keltirilmagan.

Yuqori energiyali lazer qurollarini xavfsiz sinovdan o‘tkazish uchun Mudofaa vazirligiga yangi sinov va o‘quv maydonlari kerak bo‘ladi. Bunday inshootlar HELga xos xavfsizlik uskunalarini, shuningdek, qurolning ishlashini baholash uchun ma’lumotlarni to‘playdigan radar va sensorlarni talab qiladi.

Naval News nashrining birinchi bo‘lib xabar berishicha, 2025 yilda AQSh harbiy-dengiz kuchlari kemalarida lazer qurollarining keyingi sinovlari davom etishi kutilmoqda.