Associated Press'ning xabar berishicha, AQSh davlat kotibi Marko Rubio 11 avgust kuni Avstriya tashqi ishlar vaziri Beate Maynl-Raysinger bilan Vashingtonda uchrashgan. Ertasi kuni esa Gresiya tashqi ishlar vaziri Yorgos Gerapetritis bilan telefon orqali gaplashgan. Ko‘p o‘tmay, Avstriya va Gresiya tashqi ishlar vazirlari Eron tashqi ishlar vaziri Abbos Aroqchi bilan ham muloqot qilgan.
AQSh Davlat departamenti Rubio ulardan Vashington nomidan Tehronga biror xabar yetkazishni so‘ramaganini bildirgan. Biroq uchrashuv va suhbatlarda Eron masalasi muhokama qilinganini tasdiqlagan.
Associated Press suhbatlashgan yevropalik diplomatga ko‘ra, ushbu diplomatik aloqalarning ketma-ketligi tasodifiy emas.
"Avstriya Eron bilan navbatdagi muzokaralarni Venada o‘tkazishni taklif qilgan. Xalqaro atom energiyasi agentligining bosh qarorgohi ham shu shaharda joylashgan. 2015 yilda Eron yadroviy dasturi bo‘yicha yakuniy muzokaralar ham Venada o‘tkazilgan edi. Gresiya esa Ho‘rmuz bo‘g‘ozi va Qizil dengizdagi kema qatnovidan bevosita manfaatdor. Gerapetritis Aroqchi bilan suhbatda dengiz yo‘llarining ochiqligi va kemalarning erkin harakatlanishi muhimligini ta’kidlagan", deyiladi tahliliy maqolada.
AQSh va Eron o‘rtasidagi muloqotda Ummon, Qatar, Turkiya va Pokiston ham ishtirok etmoqda. Biroq muzokaralar hozircha aniq natija bergani yo‘q.
Ronalduning to‘yida onasi qatnashmadi
Men Xitoy-Qirg‘iziston-O‘zbekiston temir yo‘li qurilishi uchun Putinning roziligini olganman – Sadir Japarov
Xabib Nurmagomedov faoliyatidagi eng qiyin jangini aytdi
