Men Xitoy-Qirg‘iziston-O‘zbekiston temir yo‘li qurilishi uchun Putinning roziligini olganman – Sadir Japarov

Qirg‘iziston prezidenti Sadir Japarov 2020 yilda hokimiyatga kelgach darhol Xitoy elchisini chaqirib, Xitoy-Qirg‘iziston-O‘zbekiston temir yo‘li loyihasini boshlashni taklif qilgan.

Ammo, Xitoy elchisi Qirg‘iziston – Yevrosiyo hududida joylashgani, KXSHTga a’zo ekani, shuning uchun Rossiya rozi bo‘lmasa, Xitoy tomoni loyihani boshlay olmasligini tushuntirgan.

"Men hayron qoldim. Shundan so‘ng, men Vladimir Putin bilan amaliy uchrashuv tashkil qilib berishlarini so‘radim. Ertasigayoq u meni qabul qilishga rozi bo‘ldi. Rossiyaga yerga o‘zim yolg‘iz uchib bordim. Vladimir Vladimirovich bilan bir-birimizga qarab, taxminan 35-40 daqiqa davomida aynan shu mavzuni juda jiddiy muhokama qildik", — dedi Japarov.

"Yakunda Putinning roziligini oldim. Qaytib kelib: “Bo‘ldi, keling, boshlaymiz”, dedim. Shunday qilib, bu loyiha boshlandi. Xitoyning pozisiyasini ham tushunish mumkin. Ular buyuk davlatlar. Jahonning eng yirik davlatlari haqida gapiradigan bo‘lsak, bular – Xitoy, Rossiya va Amerika. Ular bir-birlarining pozisiyalarini hisobga olmasligi mumkin emas", — deya qo‘shimcha qildi prezident.