AQSh 2030 yillar boshida Marsga astronavtlarni yuborishga umid qilmoqda

Qo‘shma Shtatlar 2030 yillar boshida Marsga astronavtlarni jo‘natishga umid qilmoqda.

Bu haqda Fox News telekanaliga bergan intervyusida Transport kotibi va Milliy Aeronavtika va kosmik ma’muriyat (NASA) direktori vazifasini bajaruvchi Shon Daffi ma’lum qildi.

"Biz Oyga baza qurishni boshlash uchun foydali yuklarni yuborishni boshlamoqchimiz, keyin esa 2030 yillarning boshida Marsga boramiz. Bu sakkiz oylik missiya bo‘ladi", dedi u.

"Umid qilamizki, kelgusi aprelda bortida to‘rtta astronavt bo‘lgan kema Oy atrofida uchadi. Keyin biz Oyga qo‘namiz va u yerda 8-12 kun qolamiz. Eng uzoq vaqt o‘tmishda Oyda uch kun bo‘lgan", - deya qo‘shimcha qildi rasmiy.