APL. "Brayton" safarda "Manchester Siti"ni sensasion tarzda mag‘lub etdi, Husanov to‘liq o‘ynadi

Angliya Premyer-ligasining 9-turida "Manchester Siti" o‘z maydonida "Brayton"ga 0:1 hisobida mag‘lub bo‘ldi.

Manchesterdagi "Etihad" stadionida kechgan uchrashuv taqdirini 11-daqiqada kiritilgan yagona gol hal qildi. Mehmonlar yarim himoyachisi Yasin Ayari jamoasiga muhim g‘alabani taqdim etdi.

Bahsda hamyurtimiz Abduqodir Husanov to‘liq harakat qildi.

Mag‘lubiyatga qaramay, "Manchester Siti" 9 ta o‘yinda 21 ochko bilan APL peshqadami bo‘lib qoldi. "Brayton" esa 19 ochko bilan 3-o‘ringa ko‘tarildi.

21 ochkoga ega "Arsenal" ikkinchi pog‘onada bormoqda. Londonliklar zaxirasida bitta o‘yin mavjud.

Keyingi turda "Manchester Siti" 7 noyabr kuni "Nottingem Forest" mehmoni bo‘ladi. "Brayton" esa 8 noyabrda "Brentford"ni qabul qiladi.