Ijtimoiy tarmoqlarda Angren shahrida voyaga yetmagan 14 yoshli qiz 4 nafar yigit tomonidan zo‘rlangani haqida xabarlar tarqaldi. Ushbu vaziyat jamoatchilik tomonidan keskin tanqidlarga sabab bo‘ldi. Bolalar ombudsmani holat yuzasidan rasmiy ma’lumot berdi.
Holat yuzasidan 2025 yil 9 may kuni jinoyat ishi qo‘zg‘atilib, hozirda dastlabki tergov harakatlari olib borilmoqda. Tergov jarayonlari ustidan Angren shahar prokuraturasi tomonidan qat’iy nazorat o‘rnatilgan.
Mazkur holat Bolalar ombudsmani va Ijtimoiy himoya milliy agentligi tomonidan alohida nazoratga olingan. Mutasaddi tashkilotlar yaqindan hamkorlikda ish olib borib, jabrlanuvchining huquqiy manfaatlari himoyalanishini ta’minlashmoqda. Ombudsman o‘z vakolati doirasida tergovga oid barcha jarayonlarni monitoring qilib bormoqda.
Ijtimoiy himoya milliy agentligining hududiy "Inson" ijtimoiy xizmatlar markazi mutaxassislari tomonidan bolaning xavfsizligi va ruhiy holatini tiklash bo‘yicha zaruriy choralar ko‘rilmoqda. Jabrlanuvchiga psixologik yordam, ijtimoiy maslahatlar va tibbiy yo‘naltirishlar berilgan. Mutaxassislar bola va uning yaqinlari bilan tizimli ravishda ishlamoqda.
Rasmiy ma’lumotlarga ko‘ra, hozirda jabrlanuvchi qizga bronxopnevmaniya va anemiya tashxisi qo‘yilgan bo‘lib, u shifoxonada davolanmoqda. Holat yuzasidan qo‘shimcha axborotlar berilishi rejalashtirilgan. Davlat idoralari bolalarni zo‘ravonlikdan himoya qilish borasida barcha chora-tadbirlarni ko‘rishda davom etmoqda.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Evropa nega Rossiyaga qo‘llayotgan sanksiyalarni Isroilga ham joriy etmayapti?
O‘zbekistonlik bloger pichoqlandi (foto)
