Andijonda xonadonlardan biri yonib ketdi

Andijon viloyati Oltinko‘l tumanida xonadonlardan biri yonib ketdi. Viloyat FVB holat yuzasidan ma’lumot berdi.

Unga ko‘ra, 19 fevral kuni soat 14:26 da Oltinko‘l tumani “Qo‘shtepa” MFYda joylashgan fuqaro I.SH.ning yashash uyida yong‘in sodir bo‘layotgani haqida FVBga xabar kelib tushgan. Soat 14:32 da aytilgan manzilga yong‘in qutqaruv ekipajlari yetib borgan va soat 15:02 da sodir bo‘lgan yong‘in batamom o‘chirilgan.

Hodisa natijasida aholi yashash xonadonining 40 m/kv maydonda shift, tom qismi yonib zararlangan. Tan jarohati olish holatlari qayd etilmadi.

Hozirda yong‘in sodir bo‘lishi omillari va moddiy zarar miqdori aniqlanmoqda.