Andijonda voyaga yetmagan qizlar tengdoshini guruh bo‘lib kaltaklashdi

Andijon shahrida joylashgan ko‘p qavatli uy oldida ushbu mahallada yashovchi voyaga yetmagan qiz o‘ziga tanish bo‘lgan voyaga yetmagan tengdoshi bilan o‘zaro kelishmovchilik sababli janjallashgan.

Ushbu kelishmovchilikka ko‘p qavatli uyda yashovchi qiz bilan birga kelgan voyaga yetmagan 3 nafar dugonasi ham aralashib, jabrlanuvchiga tan jarohati yetkazishgan.

Hozirda mazkur holat yuzasidan Andijon shahri bo‘yicha IIO FMB tomonidan tergovga qadar tekshiruv harakatlari olib borilmoqda. Qizlarning ota-onalariga nisbatan ma’muriy bayonnomalar rasmiylashtirilgan.