Andijonda ham zilzila sodir bo‘ldi

12 mart kuni Qirg‘izistonda sodir bo‘lgan zilzila kuchi O‘zbekistonda sezildi, deb xabar bermoqda FVV Seysmoprognostik monitoring respublika markazi.

Er silkinishi Toshkent vaqti bilan 08:11 da ro‘y bergan. Uning koordinatalari: 40,55 gradus shimoliy kenglik; 72,76 gradus sharqiy uzunlik. Magnituda — 4. Chuqurlik — 10 km. Episentr — Toshkentdan 308 km janubi-sharqda.

Andijon viloyatida sezilish kuchi:

• Xo‘jaobod tumani — 2−3 ball, 13 km;
• Jalaquduq tumani — 2 ball, 23 km;
• Buloqboshi tumani — 2 ball, 24 km.

Eslatib o‘tamiz, shu kuni soat 6:16 da Toshkent shahri va viloyati aholisi ertalab yer silkinishini yuz bergandi.