Anchelotti - "Real" tarixida eng ko‘p sovrin yutgan murabbiy

Karlo Anchelotti "Real Madrid" tarixidagi eng ko‘p mukofot olgan murabbiyga aylandi.

Bugun italiyalik mutaxassis boshchiligidagi Madridning "Real" klubi Qit’alararo FIFA kubogi finalida "Pachuka"ni mag‘lub etdi (3:0).

Anchelotti "Real Madrid"da o‘zining 15-kubogini qo‘lga kiritib, Migel Munyosning rekordini yangiladi.

Umuman olganda, Anchelotti murabbiylik faoliyati davomida 31 ta sovringa ega (Intertoto kubogini ham hisobga olgan holda). "Real"dan tashqari, Karlo "Yuventus", "Milan", "Chelsi", "PSJ" va "Bavariya"da ham chempionliklarni qo‘lga kiritgan.