Ana xolos! Muzliklar erib, qadimgi viruslar uyg‘onmoqda

Muzliklar erishi bilan qadimgi viruslar ham uyg‘onadi, deydi biologiya fanlari nomzodi Kirill Sharshov.

U shu tariqa iqlim o‘zgarishining viruslar mutasiyasiga ta’siri haqidagi savolga javob berdi. Sharshovning so‘zlariga ko‘ra, iqlimning o‘zi virusga ta’sir ko‘rsatmaydi, biroq egasining migrasiyasi, turmush tarzi va oziqlanishiga ta’sir o‘tkazishi mumkin.

Olimning fikricha, xavfli kasalliklar qo‘zg‘atuvchilarining oldini olib bo‘lmaydi, biroq dorilarni to‘g‘ri qo‘llash va vaksinasiya orqali xavf-xatarni kamaytirish mumkin. Koronaviruslar odamlarning atrofida doimo bo‘lgan. Ular ko‘pincha uy hayvonlariga zarar yetkazadi. Ayrimlari odam uchun xavfli emas.