Amsterdamdagi ketma-ket portlashlardan so‘ng Niderlandiyada o‘smir hibsga olindi

Amsterdam polisiyasi chorshanbaga o‘tar kechasi o‘tgan haftada ketma-ket portlashlar sodir bo‘lgan shahar ko‘chalaridan birida portlovchi moslama topib, 14 yoshli o‘smirni hibsga oldi.

Bu haqda NOS telekanali ma’lum qildi.

Uning ma’lumotlariga ko‘ra, qo‘lga olingan shaxs binolardan birining yonida detonatorni ishga tushirishga uringan, biroq portlash sodir bo‘lmagan. Voqea joyiga Niderlandiya Mudofaa vazirligining minalarga qarshi xizmati chaqirildi va uning mutaxassislari xavfli ob’ektni qo‘lga oldi.

Teleradiokompaniya eslatganidek, o‘tgan hafta oxiridan beri ushbu ko‘chada uchta portlash sodir bo‘lgan. Ular mahalliy yong‘inlarga sabab bo‘lgan, natijada hech kim jabrlanmagan.

Amsterdam munisipaliteti, o‘z navbatida, ushbu ko‘cha hududida bir oy muddatga kuzatuv kameralarini o‘rnatish qarorini e’lon qildi.