Amazon bilan hamkorlikda sun’iy yo‘ldosh interneti yo‘lga qo‘yiladi

Raqamli texnologiyalar vaziri Sherzod Shermatov Amazon Kuiper kompaniyasi vakillari bilan uchrashuv o‘tkazdi.

Tomonlar raqamli infratuzilmani rivojlantirish va yuqori tezlikdagi internet xizmatlarini joriy etish masalalarini muhokama qildilar.

Uchrashuv yakunlarida Vazirlik va Amazon Kuiper Commercial Services LLC o‘rtasida anglashuv memorandumi imzolandi. Hujjat “Project Kuiper” orqali O‘zbekistonda sun’iy yo‘ldosh internetini joriy etishni nazarda tutadi.

📌Amazon Kuiper — Yer orbitasidagi (LEO) yo‘ldoshlar orqali internet xizmatini taqdim etuvchi loyiha hisoblanadi.