Sud Putinning samolyotini qo‘ndirishga majbur etmasligiga kafolat bera olmaymiz — Polsha tashqi ishlar vaziri

Radoslav Sikorskiy Rossiya prezidentining hibsga olinishi ehtimolini bildirdi.

"Agar Vladimir Putin Donald Tramp bilan uchrashish uchun Budapeshtga Polsha orqali uchsa, uning samolyoti mamlakat hududida majburan qo‘ndirilishi, Rossiya prezidenti esa Xalqaro jinoiy sud orderiga muvofiq hibsga olinishi mumkin", — deya ta’kidladi Polsha TIV rahbari.

"Biz mustaqil sud hukumatni bunday samolyotni to‘xtatishga va gumon qilinuvchini Gaagadagi Xalqaro jinoiy sudga topshirishga majbur etmasligiga kafolat bera olmaymiz", — deya qo‘shimcha qildi Sikorskiy.