Alyaska ustida samolyot g‘oyib bo‘ldi

Mahalliy hokimiyat xabar berishicha, Alyaskada o‘n nafar yo‘lovchi va uchuvchisi bor samolyot g‘oyib bo‘lgan.

"Hozirda Bering Air kompaniyasining yo‘qolgan samolyoti haqidagi xabarga javob bermoqdamiz. Bortida o‘n kishi bo‘lgan Cessna Caravan rusumli samolyot Unalaklitdan Nomga yo‘l olgan edi," - deya Alyaskaning g‘arbidagi Syuard yarim orolining janubiy qirg‘og‘ida joylashgan Nom shahrining ko‘ngilli o‘t o‘chirish xizmati ijtimoiy tarmoqlarda ma’lum qildi.

Xabar qilinishicha, samolyotni yerda faol qidirish ishlari olib borilmoqda. Ob-havo va ko‘rinish cheklanganligi sababli havoda qidirish imkoniyati cheklangan.