“O‘zenergoinspeksiya” Farg‘ona viloyati hududiy boshqarmasi tomonidan o‘tkazilgan tezkor tadbirda Rishton tumanida faoliyat yurituvchi “F.M.” MCHJning mas’ul shaxslari avtomobillarga gaz to‘ldirish kompressor shoxobchasiga o‘rnatilgan kompressor agregatlarini tijorat maqsadida elektr tarmog‘iga o‘zboshimchalik bilan ulab, noqonuniy foydalanib kelayotgani aniqlandi.
Ushbu qoidabuzarlik natijasida 3,6 milliard so‘mlik (2,7 mln. kVt⋅soat) elektr energiyasidan noqonuniy foydalangani ma’lum bo‘ldi. Mazkur holat yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Shuningdek, Qo‘shtepa tumanida fuqaro X.T. ga qarashli meva va sabzavotlarni saqlash uchun tashkil etilgan muzlatgichda elektr hisoblagichning ulanish sxemalari xato ulangani ma’lum bo‘ldi.
Ushbu holat bo‘yicha dastlabki hisob-kitoblarga ko‘ra, elektr ta’minoti korxonasi tomonidan 716 million 429 ming so‘m miqdoridagi hisobga olinmagan elektr energiyasi qayta hisob-kitob qilindi.
Qoidabuzar iste’molchiga nisbatan belgilangan tartibda chora ko‘rish uchun tegishli hujjatlar rasmiylashtirilib, huquqni muhofaza etuvchi organlarga taqdim qilindi.
Boks bo‘yicha jahon chempioni Salim Abduvaliyev bilan aloqadorlikda ayblandi
Markaziy bank sobiq rahbari hibsga olindi
Yaponiya agenti Belarusga hujum qayerdan tayyorlanayotganini aytdi
