Afg‘onistonda sodir bo‘lgan yirik YTHda halok bo‘lganlar soni 80 nafarga yaqinlashdi

Afg‘onistonning Hirot viloyatida avtobus motosikl va yonilg‘i tashuvchi tanker bilan to‘qnashib ketishi oqibatida halok bo‘lganlar soni 79 kishiga yetdi.

Bu haqda Afg‘oniston IIV matbuot kotibi Abdul Matin Kani ma’lum qildi.

Ta’kidlanishicha, halok bo‘lganlar orasida 19 nafar bola bor, yana ikki kishi jarohatlangan.

Tolo News agentligi ayni mulozimga tayanib, voqea 19 avgust kuni kechqurun G‘uzora tumanida sodir bo‘lganini aniqlaydi. Uch karra to‘qnashuv natijasida katta yong‘in boshlangan va ko‘pchilik voqea joyida halok bo‘lgan. Guvohning AFPga aytishicha, avtobusdan faqat uch kishi qutqarilgan; olov shunchalik kuchli ediki, yaqinlashib bo‘lmaydi. Mahalliy harbiy gospital bosh shifokorining jurnalistlarga aytishicha, jasadlarning ko‘pchiligi shunchalik kuyganki, ularni tanib bo‘lmaydi.

Avvalroq YTH oqibatida 71 kishi halok bo‘lgani xabar qilingandi.