Abduqodir Husanov «Siti» bilan klublar o‘rtasidagi JChda ishtirok etadi

«Manchester Siti» klublar o‘rtasidagi jahon chempionati uchun kengaytirilgan tarkibni e’lon qildi.

Qaydnomaga 27 nafar futbolchi kiritildi. O‘zbekiston himoyachi Abduqodir Husanov ham ushbu tarkibdan o‘rin oldi. Hamyurtimiz 45-raqam ostida turnirda ishtirok etadi.

Ma’lumot o‘rnida. «Manchester Siti» G guruhidan o‘rin olgan bo‘lib, bu guruhda, shuningdek, «Vidad» (Marokash), «Al-Ayn» (BAA) va «Yuventus» (Italiya) klublari ham bor. "Shaharliklar" ilk o‘yinni 18 iyun kuni "Vidad"ga qarshi o‘tkazadi.