Abduqodir Husanov «Barsa»ga o‘tishi mumkin — Deku uni «kelajak himoyachisi» deb biladi

Angliyadagi «Manchester Siti» safida to‘liq moslasha olmagan Abduqodir Husanov «Barselona»ga yo‘l olishi mumkin. Bu haqda Carpetas Blaugranas portali insayderi Xuan Arriyen xabar berdi. U Gundo‘g‘an va Vitor Rokening ham «Barselona»ga o‘tishini eng birinchi aytib chiqqan.

Arriyenga ko‘ra, kataloniyaliklar himoyachi uchun sotib olish sharti bilan ijara shartnomasini taklif qilmoqda. Klub sport direktori Deku esa o‘zbekistonlik futbolchini «Barsaning kelajakdagi himoya liniyasi uchun muhim nomzod» deb baholagan.