Reuters agentligining xabar berishicha, Tehron AQSh bilan urushdan keyin havo mudofaa tizimini qayta tiklash maqsadida yaqin haftalar ichida Xitoyda ishlab chiqarilgan yelkada olib yuriladigan havo hujumidan mudofaa majmualarining ilk partiyasini qabul qilishi kutilmoqda.
Manbalarga ko‘ra, qiymati 60–70 million dollarga baholanayotgan shartnoma 300–400 dona MANPADS turidagi havo mudofaa majmualarini xarid qilishni nazarda tutadi. Bu Tehronning AQSh va Isroil bilan urush boshlanganidan beri qisqa masofali havo mudofaasini kuchaytirish bo‘yicha amalga oshirgan eng yirik tashabbuslaridan biri hisoblanadi.
Agentlik suhbatlashgan manbalarning aytishicha, AQSh va Isroilning raketa, dron va havo mudofaasi dasturlari bilan bog‘liq ob’ektlarga bergan zarbalari Eronning harbiy infratuzilmani himoya qilishdagi kamchiliklarini ochib bergan. Shu bois mamlakat qurollanishni qayta tiklashga harakat qilmoqda.
Harbiy tahlilchilarning fikricha, MANPADS turidagi tizimlar kichik guruhlar tomonidan tez joylashtirilishi va oson ko‘chirilishi mumkinligi sababli stasionar havo mudofaa batareyalariga nisbatan aniq nishonli hujumlarga kamroq uchraydi.
O‘n yildan so‘ng pulning ahamiyati deyarli qolmaydi
Eron 200 nafardan ortiq amerikalik harbiy xizmatchilarni yo‘q qildi
Rossiya xalqini hech qachon yengib bo‘lmaydi
