O‘zbekiston Respublikasi Prezidenti Farmoniga ko‘ra mustaqilligimizning 34 yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlarining bir guruhi mukofotlandi.
Mukofotlanganlar orasida ekologiya va turizm sohalari rivojiga munosib hissa qo‘shib kelayotgan fidoiy xodimlar ham bor. Xususan, Surxondaryo viloyati Jarqo‘rg‘on tumanidagi “Oqtepa” ov xo‘jaligi boshlig‘i Aleksandr Fedin “Do‘stlik” ordeni bilan taqdirlandi.
Aleksandr Fedin umrini ekologiyaga bag‘ishlagan. U 1989 yil boshida mavsumiy suv yig‘iladigan, qoq cho‘l o‘rtasidagi “Jarqo‘rg‘on” suv ombori sohilida o‘rmon barpo qilishni boshladi va 35 yil davomida 84 gektar hududni o‘rmonzorga aylantirdi. Bu yerdagi daraxtlarning 50 turdagi, jonivorlarning esa 12 turdagi O‘zbekiston Qizil kitobiga kiritilgan. Bugungi kunda Finlyandiya, Rossiya, Norvegiya, Xitoy kabi davlatlardan tabiatshunos yosh olimlar kelib, mazkur hududda ilmiy tadqiqotlar o‘tkazishmoqda, o‘simlik va hayvonot olamining yangi turlarini o‘rganishmoqda. Shuningdek, har yili tashkilotlar va aholiga mingdan ziyot bepul ko‘chat yetkazib beriladi.
Ma’lumot uchun, Aleksandr Fedin 2023 yilda Ekologiya, atrof-muhitni muhofaza qilish va iqlim o‘zgarishi vazirligi tomonidan “Tabiat himoyachisi” ko‘krak nishoni bilan taqdirlangan.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
