Qoraqalpog‘istonning Nukus shahrida tovlamachilik yo‘li bilan fuqarodan 200 ming AQSh dollari talab qilgan shaxs qo‘lga olindi.
Bu haqda Ichki ishlar vazirligi xabar berdi.
Ma’lum qilinishicha, chet el fuqarosi Nukus shahri Ichki ishlar organlariga murojaat qilib, o‘z rahbarligidagi kompaniya filialida ishlagan shaxs uni shantaj qilayotganini bildirgan.
Mazkur shaxsning aytishicha, filialda operator bo‘lib ishlagan S. ismli fuqaro internet orqali yozishmalar yuborib, kompaniya obro‘siga putur yetkazuvchi ma’lumotlar borligini aytgan. U turli bosimlar orqali 200 ming AQSh dollari talab qilib, aks holda ma’lumotlarni ommaviy axborot vositalariga tarqatish bilan tahdid qilgan.
Tezkor-qidiruv tadbirlari davomida S. ismli fuqaro Nukus shahridagi mehmonxonalardan birida pulni olgan vaqtida ashyoviy dalillar bilan ushlangan.
Qayd etilishicha, mazkur shaxs avval ham sudlangan bo‘lib, yana jinoyat yo‘liga kirgan.
Holat yuzasidan O‘zbekiston Respublikasi Jinoyat kodeksining 165-moddasi (tovlamachilik) bilan jinoyat ishi qo‘zg‘atilgan.
O‘zbekistonliklar may oyida 14 kun dam oladi
Serxio Aguero: «Abduqodir Husanov shu darajani 3-4 yil saqlab qolsa, dunyoning eng yaxshi himoyachilaridan biriga aylanishi mumkin»
Eron yahudiylari yetakchisi Oyatulloh Xomanaiyga sodiqlik bildirdi
