Braziliyada polisiya va jinoyatchilar o‘rtasidagi to‘qnashuvda halok bo‘lganlar soni 64 nafarga yetdi

28 oktyabr kuni Braziliyaning Rio-de-Janeyro shahridagi Aleman va Penya favelalarida polisiya tomonidan o‘tkazilgan ommaviy operasiya 64 kishining hayotiga zomin bo‘ldi.

Bu haqda CNN Brasil davlat xavfsizlik kuchlariga tayanib xabar berdi.

“Rio-de-Janeyro hukumati ma’lumotlariga ko‘ra, bu shtat tarixidagi eng yirik operasiya”, — deyiladi hisobotda.

Halok bo‘lganlar orasida 60 nafar jinoyatchi va to‘rt nafar polisiyachi, jumladan, elita BOPE bo‘limining ikki nafar xodimi bor.

Comando Vermelho jinoiy guruhi a’zolarini hibsga olish bo‘yicha 100 ta orderni ijro etishni maqsad qilgan “Muhokama qilish” operasiyasida 2500 ga yaqin harbiy va fuqarolik polisiyasi xodimlari ishtirok etmoqda. Operasiya davomida 81 kishi hibsga olindi, 10 ta miltiq, to‘pponcha va 9 ta motosikl musodara qilindi.