Xalqaro sud Isroilni G‘azoga gumanitar yordam kiritishni ta’minlashga majbur qildi

BMTning Oliy sudi (ICJ) qaroriga ko‘ra, Isroil okkupasiya qiluvchi davlat sifatida G‘azo sektoriga gumanitar yordam kirishini ta’minlashi shart. Bu qaror Isroil joriy etgan blokadaga nisbatan tanqid sifatida baholanmoqda.

Sud, shuningdek, BMTning Falastin qochqinlariga yordam agentligi — BAPOR (UNRWA) neytrallik va xolislik tamoyillarini buzmaganini tasdiqladi, Isroilning ayblovlarini rad etdi.

Qaror maslahat xarakteriga ega bo‘lsa-da, u siyosiy jihatdan muhim ahamiyat kasb etadi va Isroilga BMT hamda G‘azo va G‘arbiy sohilda faoliyat yuritayotgan gumanitar tashkilotlar bilan hamkorlik qilish bo‘yicha bosimni kuchaytiradi.