Ozarbayjon va Qozog‘iston energetika sohasidagi hamkorlikni kengaytirishni muhokama qilmoqda va Boku–Tbilisi–Jeyhon (BTJ) neft quvuri orqali neft tranzitini 2027 yilgacha yiliga 7 million tonnagacha oshirishni rejalashtirmoqda. Bu haqda Ozarbayjon energetika vaziri Parviz Shaxbozov ma’lum qildi.
«Ozarbayjon va Qozog‘iston o‘rtasida energetika sohasidagi hamkorlik muvaffaqiyatli rivojlanmoqda. 2023 yildan boshlab BTJ neft quvuri orqali jahon bozorlariga 3,4 million tonna qozoq nefti yetkazildi. 2027 yilgacha tranzit hajmini 7 million tonnagacha oshirish imkoniyatlari o‘rganilmoqda», — dedi vazir Ozarbayjon va Qozog‘iston o‘rtasidagi savdo-iqtisodiy hamkorlik bo‘yicha hukumatlararo komissiya yig‘ilishida.
Vazirlik ma’lumotlariga ko‘ra, British Petroleum (BP) kompaniyasi operatori bo‘lgan BTJ quvuri orqali neft eksporti 2025 yil yanvar–avgust oylarida 18,35 million tonnagacha kamaygan, 2024 yilning shu davrida esa 19,39 million tonna bo‘lgan.
Qozog‘iston va Turkmaniston neftining quvur orqali prokachka hajmi ham pasaydi — 2025 yilning birinchi 8 oyida 2,88 million tonna, o‘tgan yilning shu davrida 3,58 million tonna edi.
Iyul oyida Kaspiy neftining Azeri BTC markasining ayrim partiyalarida ortiqcha organik xloridlar aniqlangan, bu esa qozoq neftini vaqtincha yetkazib berishni to‘xtatilishiga olib kelgan. Sentyabr oyida esa Qozog‘istonning Qashagan kondan neft yuklash ishlari qayta tiklangan.
Qozog‘iston 2025 yil oxirigacha BTJ orqali 1,7 million tonna neft eksport qilishni rejalashtirmoqda, bu o‘tgan yilgi darajaga mos keladi.
Quvurning umumiy uzunligi — 1 768 km, u Bokuni O‘rta yer dengizidagi Turkiyaning Jeyhon porti bilan bog‘laydi. Quvurning quvvati — sutkasiga 1,2 million barrel neft, va bu hajmni 2,2 million barrelgacha oshirish imkoni bor.
Shahnoza Mirziyoyeva halqdan yordam so‘radi (foto)
Yangilangan Cobalt'ning narxi e’lon qilindi
Erdo‘g‘an turkiy xalqlar, jumladan o‘zbeklarning hayotini yengillashtirmoqchi
