Chernogoriya O‘zbekiston va boshqa mamlakatlar fuqarolari uchun vizasiz rejimni bekor qildi

Bu haqda respublika hukumati matbuot xizmati xabar berdi.

Hukumat bosh vazir Miloyko Spaich raisligidagi 98-yig‘ilishida Armaniston, O‘zbekiston va Misr fuqarolari uchun vaqtinchalik vizasiz tartib o‘rnatish to‘g‘risidagi avvalgi qarorlarga o‘zgartirishlar kiritdi.

Chernogoriya hukumati bu qarorni mamlakat viza siyosatini YEI viza siyosati bilan muvofiqlashtirish ishlari bilan izohladi. Bu 2024−2027 yillarga mo‘ljallangan Islohot dasturi doirasida Yevropa Ittifoqiga a’zo bo‘lish jarayonining 24-bobidagi yakunlovchi mezonlardan kelib chiqib amalga oshirilmoqda.