Tramp Kanada bosh vaziri Mark Karnini prezident deb atadi

AQSh prezidenti kecha Misrdagi tinchlik sammiti chog‘ida yanglishib, shunday dedi. Bunga javoban Karni Trampning oldiga borib, “meni prezidentlikka ko‘targaningiz uchun rahmat”, deya hazil qildi. Tramp esa “har qalay “gubernator” demadim-ku” deb javob qaytardi.

Bundan tashqari, u Ozarbayjon prezidenti Ilhom Aliyevdan Armaniston bosh vaziri Nikol Pashinyan haqida so‘rash uchun “vatandosh” so‘zini ishlatdi.

“Sizning vatandoshingiz qani”, dedi Tramp Aliyevga. U esa biroz naridagi Pashinyanni ko‘rsatdi.

Eslatib o‘tamiz, kecha Misrda AQSH, Misr, Qatar va Turkiya yetakchilari G‘azoda o‘t ochishni to‘xtatish bo‘yicha yakuniy kelishuvni imzolagan edi.