Rossiya qurolli kuchlari Xarkovdagi kasalxonaga hujum qildi

Rossiyaning Ukrainaning Xarkov shahridagi kasalxonaga bergan zarbasi oqibatida kamida olti kishi yaralandi.

Bu haqda mahalliy OAV xabar bermoqda.

Ma’lum qilinishicha, Rossiya Qurolli kuchlari shaharga uchta boshqariladigan bomba otgan, ulardan biri tibbiyot muassasasi yaqinidagi qo‘shimcha binoga tegib ketgan.

Yuzdan ortiq bemor joylashgan shifoxona binolarining derazalari va eshiklari uchib ketgan, kamida olti kishi shrapneldan jarohatlangan.

"Bir qavatli garaj qisman vayron bo‘lgan, uch qavatli tibbiyot muassasasi binosi, biznes binosi va avtomashinalar zarar ko‘rgan. Ikkita yong‘in sodir bo‘lgan", — deb xabar qildi Favqulodda vaziyatlar davlat xizmati.