Tramp: "Eron Isroilning yashash huquqini tan olishi kerak"

AQSh prezidenti Donald Tramp Eron Isroilning yashash huquqini tan olishi kerakligini aytdi.

Tramp bu haqda Isroil parlamentida aytib o‘tdi.

"Eron Isroilning mavjud bo‘lish huquqini tan olishi kerak. Bir kun kelib, bu sodir bo‘ladi", - dedi Tramp.

Uning aytishicha, bu Tehron uchun eng yaxshi qaror bo‘ladi.

"Eronliklar yaxshi odamlar, aqlli, mehnatkash. Ular hozir o‘z mamlakatlari bilan nima bo‘layotganini ko‘rishni xohlamaydilar", - dedi Tramp.

AQSh prezidenti, shuningdek, Vashington Eron "tayyor" bo‘lganda, bu masalada uni qo‘llab-quvvatlashini ta’kidladi.