Italiya Polsha cheragasini qo‘rishlash maqsadida o‘z qiruvchi samolyotlarini beradi

Italiya NATOning sharqiy qanotdagi pozisiyasini mustahkamlashga hissa qo‘shadi.

Bu haqda La Repubblica gazetasi yozmoqda.

Uning ma’lumotlariga ko‘ra, kamida ikkita qiruvchi samolyot qatnashadi.

Tanlov Eurofighter va F-35 o‘rtasida bo‘lib, ikkinchisiga afzallik beriladi. Ular Estoniyada joylashtirilgan to‘rtta italyan qiruvchilariga qo‘shilishi mumkin, deb yozadi gazeta. Bundan tashqari, Italiya Estoniyada allaqachon joylashtirilgan Samp-T havo mudofaa tizimini joylashtirish muddatini uzaytirishi mumkin.

Nashrning qayd etishicha, bunday qaror “harbiy, siyosiy va diplomatik nuqtai nazardan muqarrar va majburiy” va Rossiya tomonidan Polsha hududida uchirilgan uchuvchisiz uchoqlar urib tushirilgandan keyin Varshavani qo‘llab-quvvatlash uchun Yevropaning kuchli bosimi bilan bog‘liq.

"Rim boshqa yevropalik hamkorlarning allaqachon e’lon qilingan sa’y-harakatlari fonida chetda qolishi mumkin emas", deb yozadi gazeta. Hukumat bunday qaror parlamentning qo‘shimcha ma’qullashiga muhtojmi yoki u har yili parlament tomonidan rasmiy tasdiqlanadigan xalqaro harbiy operasiyalarning umumiy paketiga kiritilishi mumkinmi, degan savolni ko‘rib chiqmoqda.