Boks bo‘yicha jahon chempionatida O‘zbekiston terma jamoasi ishtirokiga oid eng qiziq faktlar

Angliyaning Liverpul shahriga mezbonlik qilgan boks bo‘yicha Jahon chempionati yakuniga yetdi. Turnirga oid qiziq faktlar bilan tanishtirib o‘tamiz.

O‘zbekiston terma jamoasi dunyo birinchiligida ilk bor 6 ta oltin medal oldi;

Yigitlarimiz 6 ta oltin va 1 ta kumush medali bilan erkaklar terma jamoalari orasida birinchi bo‘lishdi;

Abdumalik Xalokov va Asadxo‘ja Mo‘ydinxo‘jayev ikkinchi bor jahon chempionligini qo‘lga kiritishdi;

Erkaklar o‘rtasida barcha vazn toifalaridagi oltin medallar faqat O‘zbekiston va Qozog‘iston terma jamoalariga nasib etdi;

Abdumalik Xalokov va Akmaljon Isroilov barcha janglarda har bir raundni 5:0 hisobida o‘z foydalariga yozdirib qo‘yishdi;

To‘rabek Habibullayev, Akmaljon Isroilov, Javohir Ummataliyev va Fazliddin Erkinboyev birinchi bor kattalar o‘rtasidagi jahon chempionatida qatnashishdi va ilk urinishdayoq oltin medalga sazovor bo‘lishdi;

O‘zbekiston ayollar terma jamoasi jahon chempionatlaridagi eng yaxshi natijasini (1 ta kumush va 3 ta bronza) takrorladi.