Xitoy Tayvan bo‘g‘ozida AQSh va Buyuk Britaniya harbiy-dengiz kuchlarining provokasion harakatlarini aniqladi.
Bu haqda Xitoy Xalq-ozodlik armiyasi Sharqiy hudud jangovar qo‘mondonligining rasmiy vakili polkovnik Shi Yi ma’lum qildi.
Uning Xitoy harbiy hududining WeChat sahifasida xabar berishicha, Amerikaning USS Higgins esminesi va Britaniyaning HMS Richmond fregati juma kuni belgilangan suvlardan o‘tgan. Shi Yining so‘zlariga ko‘ra, bular “noqulaylik tug‘diruvchi provokasion harakatlar” edi.
Polkovnikning qo‘shimcha qilishicha, Sharqiy hudud jangovar qo‘mondonligi ushbu kemalar harakatini kuzatish uchun dengiz va havo kuchlarini safarbar qilgan. Uning ta’kidlashicha, Xitoy Xalq-ozodlik armiyasi "vaziyatga samarali javob bergan".
"AQSh va Buyuk Britaniya Tayvan bo‘g‘ozidagi tinchlik va barqarorlikka putur yetkazuvchi bunday harakatlari bilan Taypeydagi separatistik kuchlarga noto‘g‘ri signallar yubormoqda”, - dedi Shi Yi. U “milliy suverenitet va xavfsizlikni, mintaqada tinchlik va barqarorlikni qat’iy himoya qiladigan” Xitoy qo‘shinlarining jangovar tayyorgarligi oshganiga ishora qildi.
"UzAuto Motors" 8 ta yangi model chiqarmoqchi
BMTda Falastinga doir muhim hujjat qabul qilindi. Qaysi davlatlar qarshi ovoz bergani ma’lum
Nikolay Valuyevga nisbatan qidiruv e’lon qilindi
