Isroil zarbasida 4 nafar jurnalist halok bo‘ldi

Isroil harbiy aviasiyasi janubiy G‘azodagi Nosir kasalxonasini nishonga oldi. Hujum natijasida 20 nafar odam va 4 jurnalist halok bo‘ldi.

Halok bo‘lganlar orasida Reuters, Associated Press, Al Jazeera va NBC agentliklari muxbirlari bor. Yana bir Reuters muxbirining yaralangani xabar qilindi.

Jurnalistlarni himoya qilish qo‘mitasi (CPJ) ma’lumoticha, 2023 yildan buyon G‘azoda 190 dan ziyod jurnalist o‘ldirilgan.

Isroil armiyasi jurnalistlar maxsus nishonga olinmaganini bildirdi va hodisani tergov qilishini ma’lum qildi.

Urush boshlangach, G‘azoda 62 mingdan ortiq falastinlik halok bo‘lgan.