Samarqand viloyatida yashab kelgan va oilaviy nizolardan uzoqlashishni istagan yosh ona Nasiba (shartli ism) xorijda va’da qilingan yuqori daromadli ishga aldanib, og‘ir vaziyatga tushib qoldi.
Ijtimoiy tarmoqlarda o‘zini muvaffaqiyatli tadbirkor sifatida tanitgan Istanbulda yashovchi Kemal (shartli ism) Nasibaga malaka va til bilimi talab qilinmaydigan, yuqori maoshli ishni va’da qilib, uni ishchi vizasisiz Turkiyaga olib keldi. Ammo keyinchalik yo‘l xarajatlari uchun qarzdorligini bildirgan “saxovatli tadbirkor” uning pasportni olib qo‘ydi va og‘ir sharoitlarda ishlashga majburlamoqchi bo‘ldi.
Mazkur holat yuzasidan konsulxonaga kelib tushgan murojaat asosida diplomatik vakolatxonamiz hamda Migrasiya agentligining Turkiyadagi vakolatxonasi tomonidan tezkor choralar ko‘rildi. Olib borilgan tadbirlar natijasida fuqaromiz sog‘-omon holda Vatanimizga qaytarildi. Shu bilan birga, yolg‘on va’dalar berib, fuqaromizni aldashga uringan shaxsning harakatlari yuzasidan Turkiya huquqni muhofaza qiluvchi idoralariga tegishli ma’lumot taqdim etildi.
Yangi o‘quv yilining boshlanish sanalari tasdiqlandi
Jahongir Poziljanov, Ozodbek Nazarbekov, Dilshod Musabekovlar unvon va ordenlar bilan taqdirlandi
Toshkent ko‘chalari bo‘ylab odamlarga tashlangan buqa otib o‘ldirildi
