Tramp Putin bilan yana gaplashganini ma’lum qildi — Deutsche Welle

AQSh prezidenti Rossiya yetakchisi bilan so‘nggi marta 18 avgust kuni, Zelenskiy va Yevropa yetakchilari bilan Oq uyda muzokaralar o‘tkazganida gaplashgan edi.

Matbuot anjumanida jurnalistlarning "O‘shandan beri Putin bilan gaplashdingizmi?", degan savoliga Tramp: "Ha, men u bilan yana muloqot qildim", deb javob berdi.

Jurnalistlar Qo‘shma Shtatlar prezidentidan so‘nggi suhbat qanday o‘tganini so‘rashganda, u shunday javob berdi: "Putin bilan bo‘lgan har bir suhbatim yaxshi o‘tgan. Afsuski, muloqotimizdan keyin Kiyevga yoki Ukraina ning boshqa hududiga bombalar tashlanadi va men bundan judayam g‘azablanaman".