Evropaliklar Ukrainaga xavfsizlik kafolatlari bo‘yicha “asosiy yukni” o‘z zimmalariga olishlari kerak

"Bu ularning qit’asi, bu ularning xavfsizligi. Prezident Tramp ham ular o‘z sa’y-harakatlarini kuchaytirishi kerakligini aniq aytdi", — dedi AQSh vise-prezidenti Jey Di Vens Fox News telekanaliga bergan intervyusida.

Qo‘shma Shtatlar vise-prezidentining intervyusidan asosiy iqtiboslar:

◾️ AQSh va uning ittifoqchilari hanuzgacha Ukrainaga xavfsizlik kafolatlari ustida ishlamoqda, ammo ular hali yakuniy kelishuvga erishmagan;

◾️ Qo‘shma Shtatlar tomonlarning nimaga ehtiyoji borligini aniq tushunmaguncha, Ukrainaga xavfsizlik kafolatlari bo‘yicha hech qanday majburiyatni o‘z zimmasiga olmaydi;

◾️ Putin Alyaskadagi muzokaralarda o‘zini o‘ta mulohazali tutdi, Rossiyaning manfaatlarini himoya qildi va kutilganidan yumshoqroq ohangda gapiradi;

◾️ Yevropa yetakchilari AQSh prezidenti bilan Oq uyda o‘tkazilgan uchrashuvda Tramp muzokaralardan so‘ng Putinga qo‘ng‘iroq qilishini umuman kutmagan edi;

◾️ Ukraina bo‘yicha tinchlik kelishuvi asoslari Putin va Zelenskiyning uchrashuvidan oldin ham muvofiqlashtirilishi mumkin;

◾️ Kiyev xavfsizlik kafolatlarini talab qilmoqda, Moskva esa ma’lum bir hududlarni istaydi, ularning aksariyati hozirda Rossiya armiyasi nazorati ostida.