Kanada bosh vaziri: "Endi AQShning yo‘l-yo‘rig‘iga ergashamiz"

Kanada Bosh vaziri Mark Karni mamlakatning Amerika tovarlariga nisbatan ko‘plab javob tariflarini bekor qilish niyatini tasdiqladi.

Siyosatchining aytishicha, Kanada yangi savdo va xavfsizlik munosabatlarini o‘rnatish uchun AQSh bilan aloqalarni kuchaytirmoqda.

Amerika avtomobillari, po‘lat va alyuminiy uchun Kanada tariflari hozircha o‘z kuchida qoladi, dedi u Ottavadagi matbuot anjumanida.

Karnining ta’kidlashicha, Qo‘shma Shtatlar yaqinda Kanada tovarlariga boj qo‘ymasligini ochiq aytgan.

"Shu nuqtai nazardan va Kanadaning USMCA (Amerika Qo‘shma Shtatlari-Kanada-Meksika Erkin savdo bitimi) bo‘yicha majburiyatlariga muvofiq, men bugun e’lon qilamanki, Kanada hukumati endi Qo‘shma Shtatlarning yo‘l-yo‘rig‘iga ergashadi va Amerika tovarlariga Kanada tariflarini bekor qiladi" - dedi u.

"Kanada va Qo‘shma Shtatlar endi bizning tovarlarimizning katta qismi uchun erkin savdoni tikladilar", deya qo‘shimcha qildi u.