Markaziy bank kredit berish tartibiga qo‘shimcha talablar joriy etmoqda

Markaziy bank aholiga kredit ajratish jarayonini tartibga solish maqsadida yangi talablar kiritishni taklif qildi.

Qaror loyihasiga ko‘ra:
➖ kredit oldidan ma’lumot berish – banklar shartnoma imzolanishidan oldin qarz oluvchiga majburiyatlar va tavakkalchiliklar haqida standart chek-list orqali ma’lumot berishi shart;
➖ restrukturizasiya tartibi – moliyaviy qiyinchilikka duch kelgan qarzdorlar uchun shartnomani o‘zgartirish tartibi belgilanadi va u bank saytida joylashtiriladi;
➖ noto‘g‘ri amallarni taqiqlash – ortiq kredit taklif qilish, ijtimoiy nafaqani qarzga yo‘naltirish, muddati kelmasdan oldin to‘lov talab qilish taqiqlanadi;
➖ mobil ilova cheklovlari – oldindan belgilangan rozilik belgilarini qo‘yish, kredit parametrlarini yoki daromad ma’lumotlarini oldindan to‘ldirish, shartnoma matnini to‘liq ko‘rmasdan rozilik berish imkoniyatini yaratish taqiqlanadi.