Germaniya Isroilga qurol-yarog‘ eksportini to‘xtatadi

G‘azo sektoridagi vaziyatni hisobga olib, Germaniya hukumati Isroilga qurol-yarog‘ mahsulotlari bo‘yicha qisman eksport taqiqini joriy qildi. Bu haqda Tagesschau nashri xabar berdi.

Germaniya kansleri Fridrix Mersning ta’kidlashicha, mamlakat keyingi ogohlantirishgacha G‘azo sektorida qo‘llanilishi mumkin bo‘lgan qurol-yarog‘larni eksport qilishga ruxsat bermaydi. U bu qarorni Isroil armiyasining G‘azo sektorida yanada keskin harbiy amaliyotlari bilan izohladi. Germaniya hukumati tinch aholi chekayotgan doimiy azob-uqubatlar tufayli chuqur xavotirda ekanini bildirgan.

Shuningdek, BMT Xavfsizlik kengashi Yaqin Sharqdagi vaziyat va Isroilning G‘azo shahrini egallash rejalari yuzasidan muhokama o‘tkazishini ma’lum qilgan edi. Yevropa Ittifoqi Kengashi prezidenti Kosta Isroildan bu qarorni qayta ko‘rib chiqishni talab qilmoqda.

Kanada bosh vaziri Isroilning G‘azo shahrini egallash rejasini keskin tanqid qilgan. Biz buni noto‘g‘ri deb hisoblaydigan ko‘plab boshqa davlatlar qatoriga qo‘shilamiz, chunki bu harakat yerda insonparvarlik ahvolini yaxshilashga yordam bermaydi. Biz darhol o‘t ochishni to‘xtatishni talab qilamiz, deya qo‘shimcha qilgan.