Toshkent viloyati O‘rta Chirchiq tumanida parvozlarning qidiruv-qutqaruv faoliyatini qo‘llab-quvvatlash bo‘yicha idoralararo o‘quv mashg‘ulotlari bo‘lib o‘tdi. Mudofaa vazirligining desantchilarni tayyorlash markazida o‘tkazilgan mashg‘ulotda shartli aviafalokat oqibatlari bartaraf etildi.
O‘quv mashg‘uloti rejasiga muvofiq, yo‘lovchi samolyoti qo‘nishga yaqinlashganda havo dispetcheri va ekipaj o‘rtasidagi aloqa uzilib qoladi. Samolyot Toshkent shahriga yetmay aviafalokatga uchraydi. Natijada yong‘in chiqadi, qurbonlar va jarohatlanganlar bor.
Simulyasion favqulodda holat oqibatlarini bartaraf etish uchun 250 ga yaqin mutaxassis va idoralararo tuzilmalarning 20 ta maxsus texnikasi jalb qilindi.
Qutqaruvchilar o‘z guruhlarining tayyorgarligi, yong‘inni o‘chirish jarayonida muvofiqlashtirish, odamlarni evakuasiya qilish, jabrlanganlarni jarohatining og‘ir-engilligiga qarab taqsimlash, birinchi tibbiy yordam ko‘rsatish va jarohatlanganlarni tibbiyot muassasalariga yetkazish, shuningdek, samolyot bortidagi xavfli yukni evakuasiya qilish bo‘yicha ishladi.
Bundan ko‘zlangan asosiy maqsad – aviafalokat sodir bo‘lgan taqdirda qator vazirlik va idoralar, Toshkent aeroportining bo‘linmalari o‘rtasida o‘zaro hamkorlikda harakatlanishni ta’minlash, aviafalokat oqibatlarini bartaraf etish bo‘yicha zarur chora-tadbirlar ko‘rish hamda xodimlarning favqulodda vaziyatlarga tayyorgarligini oshirishdan iborat.
Bola o‘g‘rilari ushlandi
"Bizdan Armaniston janubini tortib olishyapti, lekin buni hech kim gapirmayapti"
Eronlik olimlar maxfiy tarzda Rossiyaga bordi
