Keniyadagi YTHda 21 kishi halok bo‘ldi

Keniya g‘arbida sodir bo‘lgan yo‘l-transport hodisasida kamida 21 kishi halok bo‘ldi.

Bu haqda Daily Nation nashri xabar bermoqda.

Nashr ma’lumotlariga ko‘ra, hodisa kunning ikkinchi yarmida Kisumu shahri yaqinida sodir bo‘lgan. Mintaqaviy yo‘l inspektori Piter Maynaga ko‘ra, odamlar bo‘lgan avtobus dafn marosimidan qaytayotgan edi. Haydovchi boshqaruvni yo‘qotib, qarama-qarshi bo‘lakka chiqib ketdi va avtobus ag‘darilib ketdi, dedi u. 21 kishi halok bo‘ldi - 10 erkak, 10 ayol va 10 yoshli qiz. Yana besh kishi, jumladan, sakkiz oylik bola og‘ir yaralangan, deya qo‘shimcha qildi inspektor.

Hodisaning aniq sabablari hozircha aniqlanmagan, tergov davom etmoqda. Mahalliy OAVning qayd etishicha, avtobus yo‘lning avariyalar tez-tez sodir bo‘ladigan qismida ag‘darilib ketgan.