Aholiga narkologiya xizmati imkoniyatlarini kengaytirish maqsadida murojaat maxfiyligi kafolatlangan koll-markaz faoliyati yo‘lga qo‘yildi. Koll-markaz raqami: +998 55 515-45-65 (ish vaqti: 7/24).
Bu giyohvandlik bilan bog‘liq muammosi mavjud shaxslar va ularning yaqinlari respublikaning istalgan nuqtasidan narkologiya muassasasiga qatnamasdan, o‘zi haqidagi shaxsiy ma’lumotlarni sir saqlagan holda maxfiy narkologik maslahat olish imkonini beradi.
Qayd etish kerak, giyohvandlikka bilib-bilmay kirib qolgan yoki shunday deb o‘ylagan odamlar o‘zlarini ko‘rsatishdan uyaladi, jamiyat oldida andisha qiladi yoki qo‘rqadi. Bu markaz orqali ularning shaxsi mutlaqo sir saqlanadi.
Qo‘ng‘iroq qilib bog‘langanlar o‘zi yoki yaqini bunday baloga qanday kirib qolgani, birinchi belgilar kuzatilganda nima qilish kerakligi haqida bepul maslahatlar olishlari mumkin.
Po‘lat Bobojonov lavozimidan ozod etildi, Abdusalam Azizov yangi lavozimga tayinlandi
Samarqandda mojaroga sabab bo‘lgan binoni buzish boshlandi (video)
Farg‘onada “yovvoyi” kimsa paydo bo‘lgani rostmi?
