BMT vakili: Suriyadagi zo‘ravonlik fonida siyosiy yo‘nalish qayta ko‘rib chiqilishi kerak

BMTning Suriya bo‘yicha maxsus vakili Geyr O. Pedersenga ko‘ra, mamlakatdagi so‘nggi voqealar fonida xavfsizlik va siyosiy o‘tish jarayonlariga jiddiy tuzatishlar kiritish zarur.

🗣 BMT Xavfsizlik Kengashida so‘zga chiqqan Pedersen, ayniqsa Suveyda viloyatidagi zo‘ravonliklarga e’tibor qaratdi. U yerda beduin qabilalari va druz guruhlari o‘rtasidagi to‘qnashuvlar aholi ishonchini yo‘qotib, mamlakatning yanada parchalanishiga olib kelishi mumkinligini ta’kidladi.

📌 Uning fikricha, bu vaziyat Suriyadagi siyosiy yechim va xavfsizlik strategiyasini qayta ko‘rib chiqish zarurligini ko‘rsatadi.