Joriy yilning 22 iyun kuni Toshkent shahar Ichki ishlar bosh boshqarmasiga 1960 yilda tug‘ilgan fuqaro ariza bilan murojaat qilib, yozgi dachani ijaraga olganligini, oldindan begona shaxsga 1 million 400 ming so‘m miqdordagi pullarini o‘tkazib berganligini ma’lum qilgan.
U esa pulni kartasiga o‘tkazib olgach, fuqaro bilan aloqani uzib, ijtimoiy tarmoqlardan g‘oyib bo‘lgan.
Toshkent shahar Ichki ishlar bosh boshqarmasi Axborot texnologiyalari sohasida jinoyatchilikka qarshi kurashish boshqarmasi xodimlari tomonidan o‘tkazilgan tezkor tadbir davomida 1999 yilda tug‘ilgan fuqaro Toshkent shahri hududida qo‘lga olindi.
Ushbu shaxs bilan olib borilgan surishtiruv tadbirlari natijasida, u shu kabi 15 dan ortiq holatlarni sodir etganligi ma’lum bo‘lgan.
Hozirda holat yuzasidan O‘zbekiston Respublikasi Jinoyat kodeksining 168-moddasi 4-qismi bilan jinoyat ishi qo‘zg‘atilib, gumonlanuvchi prosessual tartibda ushlangan. Tergov harakatlari davom ettirilmoqda.
Po‘lat Bobojonov lavozimidan ozod etildi, Abdusalam Azizov yangi lavozimga tayinlandi
Samarqandda mojaroga sabab bo‘lgan binoni buzish boshlandi (video)
UFC jangchisi Shavkat Rahmonovning rafiqasi 10 yilga qamalishi mumkin
