Makron va Erdo‘g‘on G‘azodagi vaziyatni muhokama qildi

Fransiya prezidenti Emmanuel Makron Turkiya yetakchisi Rajab Toyyib Erdo‘g‘on bilan telefon orqali muloqot qildi.

Bu haqda Fransiya yetakchisi X ijtimoiy tarmog‘idagi sahifasida ma’lum qildi.

Uning qayd etishicha, suhbat chog‘ida G‘azodagi vaziyat muhokama qilingan.

"Hozirgina Turkiya prezidenti Rajab Toyyib Erdo‘g‘on bilan telefonda G‘azodagi vaziyat va ikki davlat qaroriga bag‘ishlangan konferensiya istiqbollari haqida gaplashdim. Hamma narsa isroilliklar va falastinliklar tinchligi va xavfsizligi uchun qilinishi kerak", deb yozdi Makron ijtimoiy tarmoqda.