Isroil moliya vaziri: "Isroil Fransiyaga javoban G‘arbiy Sohilni anneksiya qilishi kerak"

Isroil moliya vaziri va o‘ta o‘ng sionizm diniy partiyasi yetakchisi Besalel Smotrichning fikricha, Parijning Falastin davlatchiligini tan olishiga eng yaxshi javob Iordan daryosining g‘arbiy sohilini to‘liq anneksiya qilish bo‘ladi.

Besalel Smotrich bu haqda X ijtimoiy tarmog‘ida yozdi.

"Men Fransiya prezidenti Emmanuel Makronga Isroil suverenitetini Yahudiya va Samariyaning tarixiy hududlariga (Isroilning G‘arbiy Sohilni belgilagani – tahr.) nihoyat kengaytirish va Isroil zaminining qalbida Falastin terrorchi davlatini yaratish bo‘yicha barbod bo‘lgan konsepsiyaga bir marta va butunlay chek qo‘yish uchun yana bir jiddiy sabab keltirgani uchun minnatdorchilik bildiraman”, — dedi u.

Siyosatchining so‘zlariga ko‘ra, bu “Isroilning prezident Makron va uning ittifoqchilari tomonidan amalga oshirilayotgan bir tomonlama bosim va majburlov choralariga mutanosib sionistik javobi” bo‘ladi.