Tramp Xitoy bilan "juda do‘stona" kurashadi

AQSh prezidenti Donald Tramp Pittsburgdagi nutqi chog‘ida Xitoyga qarshi "juda do‘stona" kurash olib borishini aytdi.

Amerika yetakchisining so‘zlaridan Reuters agentligi iqtibos keltirmoqda.

Xuddi shu nutqi davomida Amerika rahbari Indoneziya bilan avval imzolangan savdo bitimini yuqori baholadi. Tramp, shuningdek, boshqa savdo shartnomalarini, jumladan, Hindiston bilan ham tuzish imkoniyatiga ruxsat berishini aytdi, deb xabar beradi Reuters.

Tuzilgan kelishuvga ko‘ra, Indoneziya AQShdan energiya va qishloq xo‘jaligi mahsulotlarini qariyb 20 milliard dollarga va 50 ta Boeing samolyotini sotib oladi, dedi avvalroq Amerika prezidenti.

"Ushbu tarixiy kelishuv tarixda birinchi marta Qo‘shma Shtatlar uchun butun Indoneziya bozoriga kirishni ochadi. Kelishuv doirasida Indoneziya Qo‘shma Shtatlardan 15 milliard dollarlik energiya, 4,5 milliard dollarlik Amerika qishloq xo‘jaligi mahsulotlari va 50 ta Boeing samolyotlarini sotib olish majburiyatini oldi, ularning ko‘pi 777 rusumli bo‘ladi" - deb yozdi u o‘zining Truth Social ijtimoiy tarmoqdagi sahifasida.