Zelenskiy Germaniya va Norvegiya Ukraina uchun Patriot sotib olishini tasdiqladi

Ukraina prezidenti Vladimir Zelenskiy Germaniya va Norvegiya Ukraina uchun Patriot raketaga qarshi raketa tizimlarini sotib olishini tasdiqladi.

U bu haqda o‘zining "Telegram" kanalida e’lon qilingan kechki murojaatida ma’lum qilgan.

"Men jamoamizdan minnatdorman, AQSH, Germaniya va Norvegiyaga Ukraina uchun yangi Patriot qarorini tayyorlaganliklari uchun rahmat" - dedi u.

Germaniya ikkita Patriot, Norvegiya bittasi uchun pul to‘lashga tayyorligi ta’kidlandi.

Eslatib o‘tamiz, 14 iyul kuni AQSh prezidenti Donald Tramp AQShdan keladigan yangi qurol-yarog‘lar orasida Patriot havo mudofaa tizimi ham bo‘lishini aytgan edi. Unga ko‘ra, 17 ta ana shunday komplekslarni yetkazib berish imkoniyati ko‘rib chiqilmoqda.