Fransiyada mahbusni qamoqxonadan sumkada olib chiqib ketishdi

Fransiya janubi-sharqidagi Korba shahridagi qamoqxonadan 20 yoshli mahbus jazoni o‘tab bo‘lgandan keyin ozodlikka chiqqan kameradoshining buyumlari solingan sumkaga yashirinib, qochishga muvaffaq bo‘ldi.

Bu haqda BFMTV telekanali xabar berdi.

Qayd etilishicha, qamoqxona rahbariyati qochib ketganini ertasi kuni aniqlagan.

Yigit bir necha jinoyatlar, jumladan, odam savdosi va o‘g‘irlik uchun jazoni o‘tagan, shuningdek, uyushgan jinoyatchilikka aloqadorligi uchun tergov ostida edi. U yana ikkita mahbus bilan bir kamerada edi, ulardan biri 11 iyul kuni ozodlikka chiqmoqchi edi.

Mazkur holat yuzasidan jazoni ijro etish muassasasi tomonidan ichki tekshiruv boshlangan. Uning rahbari Sebastyen Kovelning BFMTV telekanaliga aytishicha, "bu juda kam uchraydigan holat", bu "bir qator jiddiy qonunbuzarliklardan dalolat beradi".

Taxminlarga ko‘ra, qamoqxona ma’muriyati mahbusning qochib ketganini uning haddan tashqari ko‘pligi tufayli payqamagan. Muassasa ma’muriyati vakilining BFMTVga ma’lum qilishicha, qamoqxona 170 foizga to‘lgan.

Bundan tashqari, qochish bo‘yicha tergov olib borilmoqda, bu Rona departamenti (DIPN) Milliy polisiyasining idoralararo boshqarmasiga topshirilgan.